無聊有序

09新加坡之旅相簿上齊.

食：http://www.facebook.com/album.php?aid=124747&id=818909465&l=4ccc2f20fe

 

習慣wkend一定要好好休息，最少留一日閉關唔出街，最好星期日。不過實行左咁耐，發現，抖極都係抖唔夠。今個禮拜索性唔抖，谷爆佢，原來真係唔會特別累。

 

終於學左打台灣牌，好辛苦啊，難計到呢，不過都幾好玩。

 

睇左梳化，有心水，不過可以再睇多少少，睇心情睇天氣再決定。

 

對鞋行行下又開口，經過見有整鞋，點知越整越衰。索性，買過對~~嘻嘻！唔算抵，但越睇越中意。有時都係要衝動少少先成事。雖然即場俾埋sale屎丟左對舊鞋之後，又有d掛住佢。不過攞返屋企托咩。

 

睇左《duplicity》，well......勉強ok啦......but大口姐姐真係太太太老喇......歲月催人~~~唉......

 

去左石澳游水兼BB焦。多謝靚仔打黎鬧醒我出門口，係真鬧。都多謝準阿媽叫我一齊帶泳衣。無乜太陽，但水上飄左陣，都舒服。仲響浮台個邊真游左幾步咁大把，忌水病可能有得醫，正！

 

游完水玩完行完街，聽晚做facial，後晚揼骨，補番晒！哈哈原來谷爆佢都幾爽喎！

我都話睇悶左，你明唔明？你用一千種方法剪唔同既短bob，我呢d平民係唔會覺得有分別，你明唔明？你講極都唔明，仲要咁煩，搞到我又要搵個個新既髮型師，到頭來咪又係煩到我！唉......有無人有好介紹呀？

以為學會孤獨就不會寂寞，方發現孤獨比寂寞更駭人。寂寞還能靠多出來的一個身體驅去，孤獨卻是連在人潮中也如影隨形。為何要在周末好夢正酣的午後送來那段對話，冷不防就隨夢蝕進髮膚，無路可逃。

星期四晚往維園的小巴上，瞥見疑似幻彩fing香乾。